شیعه لر جشن ایلیون نیمه ی شعباندی بوگون

شهر سامیرده بو نور خدا اولدی عیان

نوری آفاقی دوتوب روشن اولوب کل جهان

نور پاکیندن اولوبدی بو جهان رشک جنان

دین حق تاپدی دوباره گینه بیر تازه حیات

(( گوندرین شانینه لایق بو امامین صلوات))

بودی دنیاده گلوب محکمه ی عدلی قوران

بودی دین دشمنینین ریشه سینه تیشه وران

بو شهین جانینه قورباندی هامی پیر و جوان

منبع جود و سخا صاحب فضل و برکات

(( گوندرین شانینه لایق بو امامین صلوات))

یاشوری پرده ی غیبتده بونون حکمتی وار

صاحب عصریدی بو دنیا بویی شهرتی وار

فقط الله بولوری گلسه نجه قدرتی وار

گله دنیایه بونون مثلی چتیندور هیهات

((گوندرین شانینه لایق بو امامین صلوات))

یوخدی بیر کیمسه ده بو جاه و جلال و بو حشم

بودی دشمنلری نابود ایدن الله قسم

بودی مومنلره گلسه داخی یوخ درد و الم

گلسه دنیایه آچار شیعه لره باب نجات

((گوندرین شانینه لایق بو امامین صلوات))

بودی گلسه آلاجاق خون شهیدانی تمام

بو آخان قانلاری قویمازقالا بو یرده امام

شیعه لر جشن دوتار اوندا اولار شاد وخرام

بودی یاز (فاطری) گلسه ایده جاق حقی ثبات